«ՌԴ քաղաքացիություն ստացած ավելի քան 30 հազար միգրանտներ հաշվառման մեջ են, և արդեն մոտ 10 հազարն ուղարկվել է հատուկ ռազմական գործողության գոտի»։ Այս մասին հայտնել է ՌԴ Քննչական կոմիտեի ղեկավար Ալեքսանդր Բաստրիկինը։

Նա հայտարարել է, որ ինքը հստակ չգիտի, թե հիմա Ռուսաստանում քանի միգրանտ կա. «13 կամ 14 միլիոն... բնակչության թվով ամեն տասներորդը օտարերկրացի է»:

Բաստրիկինը հայտարարել է, որ ցանկանում է առաջարկել խստացնել պատասխանատվությունը Ռուսաստանի Դաշնության տարածքում անօրինական գտնվելու համար։ Նա նշել է, որ դա պետք է ծանրացուցիչ հանգամանք լինի։

«Այսպիսի միգրացիոն քաղաքականությունը և ծայրահեղականության աճն անընդունելի են, դա սպառնալիք է ազգային անվտանգությանը»,- ընդգծել է ՌԴ Քննչական կոմիտեի նախագահը։